Die Oog Aftree-landgoed is ‘n meesterlike toevlug in ‘n ongerepte bosveldomgewing met ‘n klimaat wat gunstig deur sy natuurlike waterbronne ondersteun word. Hier, aan die voet van die majestueuse Waterberg, net buite die dorp Naboomspruit in die Limpopo Provinsie, bevind jy jouself op ‘n gemaklike 90-minute-ry vanaf Pretoria, ‘n uur vanaf Polokwane, en slegs 45 minute vanaf Bela Bela.

Hierdie goedversorgde en stylvolle dier vriendelike huis geniet ‘n bevoorregte posisie langs die oevers van ‘n vredige spruit met direkte toegang daartoe. Hierdie pragtige, goed uitgelegde tuiste met sy huislike atmosfeer bied die volgende:

Pragtige volvloer-teëls
‘n Doeltreffende sentrale verkoelingstelsel
‘n Solar geyser wat deur ‘n geïntegreerde geyserwise paneel ondersteun word
Veiligheidshekke voor al die vensters en deure (met uitsondering van die agterdeur)
Aluminium venster en deur rame
3 ruim slaapkamers, waarvan een tans as ‘n studeerkamer benut word
2 ruim badkamers
‘n Oopplan-leefarea bestaande uit ‘n sitkamer, eetkamer en ‘n goedontwerpte kombuis met granietblaaie, oorvloedige kaste, water filtreer stelsel, ‘n gasstoof met ‘n ooghoogte-oond en ‘n aparte opwasgedeelte wat in ‘n privaat binnehof uitkom
‘n Lieflike braaikamer met ‘n ingeboude braai en toonbanke
‘n Ekstra-lengte enkelmotorhuis met ‘n afsonderlike afdak
‘n Pragtige tuin, liefdevol onderhou en ideaal vir voëlliefhebbers

Die Oog Aftree-landgoed bied ‘n ryk vakansie-ervaring en ‘n bosveldleefstyl wat jou hart sal steel. Hierdie unieke gemeenskap bied ‘n reeks luukse geriewe aan sy inwoners, insluitende:
‘n Verwarmde minerale swembad
Putt-putt bane
Tennisbane
‘n Waterglybaan
‘n Avontuurlike speelpark vir die kleintjies
Pragtige staproetes
Vakansievermaak en vermaaklikhede
‘n Karavaanpark vir jou avontuurlustige kampavonture
Visvang in ‘n idilliese dam
Wildritte

Vir meer inligting oor hierdie besondere eiendom of om ‘n privaat besigtiging te reël, moedig ons jou aan om met ons in verbinding te tree. Jou droomhuis in Die Oog wag vir jou!

Latest property for sale or rent in Limpopo, South Africa – Property24