Hierdie indrukwekkende woonhuis in ‘n gewilde area in Aerorand is nou TE KOOP. Van die oomblik wat ‘n mens deur die automatiese hekke in die oprit opry, voel dat jy hier ‘n besonderse tydloos ontwerpte woonhuis nader. Met die intrapslag bevestig die besonderse ingangsportaal beslis jou verwagting.

Die woning is met oorleg beplan. Die privaat formele sitkamer skep ‘n warm atmosfeer waar hier heerlik agter prag houtdeure klavier gespeel kan word, gelees word, of net heerlik ontspan, apart van die res van die huis in die saligheid van hierdie vertrek, Die huis het 4 slaapkamers en 3 badkamers waarvan die gastekamer op grondvloer privaat afgesluit kan word met sy eie en-suite badkamer, kompleet met bad, stort, wasbak en toilet. Hierdie kamer stap dan ook uit op die pragtige tuin en swembadarea, en is ideaal vir familie en vriende vir hul eie privaatheid of selfs waar ouers permanent inwoon.

Op die grondvloer is ‘n baie ruim gesins TV Kamer met ‘n pragtige inloop kroegarea met drankkabinet. Die oopplan eetkamer en kombuis laat jou sommer voel dat hier beslis gereeld om die eetkamer tafel en die kombuisarea gekuier word. Die kombuis is pragtig ontwerp met genoeg kaste, ‘n gasstoof en ooghoogte oond rond die prentjie mooi af.
Daar is ‘n reuse groot inloop spens, ‘n aparte opwas en wasgoed area waar oorgenoeg plek is vir ekstra yskaste, ‘n skottelgoedwasser, wasmasjien en tuimeldroer.

Die leefvertrekke loop almal uit op die pragtige tuin met ‘n swembad en ‘n groot onthaalarea met ingeboude braai, waar daar onthaal kan word en kwaliteit tyd saam met joui gesin spandeer kan word. Die tuin is groot genoeg vir kinders om in te speel, en die aangrensende oop area, verseker dat kinders kan baljaar na hartelus. Die eienaars voel baie veilig op hierdie perseel en woon al sedert 2006 in hierdie besonderse leefhuis.

Op die boonste vlak, aan die bokant van die baie gemaklike trappe na die kamers, is daar ‘n ruim inloop stoorarea, studeer en werksarea, 2 gastekamers met ‘n gemeenskaplike badkamer met dubbel wasbakke,, stort en toilet. Elke kamer het ‘n inloopkas.

Die hoofslaapkamer is groot en ruim met baie kaste in die aantrekkamer, en die hoofslaapkamer stap uit op sy eie balkon waar mens soggens rustig kan sit en oor die tuin en Hoeveld kan uitkyk. Absolute saligheid in die dorp, wat mens gewoonlik nie sou verwag van ‘n dorpshuis nie. Die area is netjies en skoon en beslis ‘n gewilde area om in te woon. Die en-suite badkamer het ‘n groot bad, stort, dubbel wasbak en toilet.

Die huis verras om elke hoek en draai. Daar is ‘n dubbel motorhuis met ‘n werksarea asook ‘n volledige buitekamer met wasbak, toilet en stort wat met gemak omskep kan word as ‘n vyfde aparte woonstelarea vir ‘n tiener, student of werkende jong gesinslid.

Hierdie eiendom is eerlikwaar besonders en sal u verwagtinge oortref. As u opsoek is na ‘n ruim leefhuis waar tieners tog kan wegraak en bietjie afsonder, of pa en ma in stilte bietjie in die privaatheid van die formele sitkamer ”asem’ wil skep, is hierdie woning beslis een om te oorweeg. Hier kan ‘n groot gesin met gemak saam leef, saam kuier, veilig voel en heerlik om die kaggel in die TV Kamer verkeer.

Kontak my gerus vir ‘n afspraak om hierdie pragtige huis te besoek.

Latest property for sale or rent in Mpumalanga, South Africa – Property24